|| नाणे ||

|| नाणे ||
======
ते खणखणीत असेल
समजून
मी त्याला जवळ केलं
नीट निरखून पाहिले
तेव्हा कळले
दोन बाजू होत्या त्याला
वरची बाजू जरा उजळ
पण धूळ होती त्यावर
मी लाख फुंकर मारली
नाही उडाली
चिकटून बसली होती जणू..
मी पालटून पाहिली
दुसरी बाजू
तर ती ही होती काळी
बऱ्याच वर्षांपासून
पालटले नसावे तिला
ती अंधारात होती जणू..
मी लाख चालवू पाहिले
ना चालले ते कुठे
अहंपणाचे नाणे
असते निव्वळ खोटे..!!
***सुनिल पवार...✍🏽