|| निमित्त ||

💝तिच्यातील ती💝
=============
|| निमित्त ||
=======
ठाऊक असते
तिलाही
न जमणार त्याला कधी
साधा
गजरा आणायला..
पण
निमित्त हवे असते काही
लटका अबोला धरायला..
अन
त्याला बोलते करायला..!!
हे कळते त्यालाही
म्हणूनच,
तो गोंजारतो हळुवार तिला
अन
तिच्या लटक्या रागाला..
कदाचित
दाखवायचं असतं त्यालाही
बघ.
काळीज आहे ग,
ह्या कागदी वाघाला..!!
तिने
बांधून घेतलंय त्याच्या
चौकटीला..
अन त्याने नोकरीच्या
दावणीला..
मग दोष तरी द्यावा कोणाला..
आणि कशाला..?
तरीही ती
आवर्जून वाढते त्याला
अशाच
गोड शब्दांचे पक्वान्न
प्रत्येक सणाला..
त्याला बोलते करायला..??
****सुनिल पवार....