|| अकल्पित ||

|| अकल्पित ||
=========
अचेत कलेवर ते
दगडास फोडते पाझर..
अनुभूती ही क्षणाची
कोरून घेतो मनावर..?

गुंतलेल्या पाशात किती
माणुसकी घुसमटलेली..
सोपस्काराच्या सोहळ्यात
तितकीच सैल सुटलेली..!!
बेदखल क्षणचित्रे सारी
काळोखात जतन केलेली..
भारावलो मी पाहून
नव्या प्रदर्शनात रंगलेली..!!
हरलेल्या जीवनाचे कसे
हार सत्कार,उपहार झाले..
मिटलेल्या डोळ्यांनी असे
मानवी चमत्कार पाहिले..!!
लपेटून घेताच ज्वाळा
तेजपुंज देह झाला..
जोडून हात भावे
जगण्याचा उहापोह केला..!!
****सुनिल पवार...✍🏽