|| मी पाहिलयं ||

|| मी पाहिलयं ||
=◆=◆=◆=◆=◆=
मी पाहिलयं माणसांना
वाऱ्यावर फिरताना..
दिशाहीन मज करून
दिशा दर्शक बनताना..!!

मी पाहिलयं त्या आप्तांना
साखरेचं घोळताना..
रक्ताच्या नात्यासही
तराजूत तोलताना..!!
मी पाहिलयं मित्रांना
मैत्रीस असे जागताना..
हाताचं राखून सारं
प्रत्येकाशी वागताना..!!
मी पाहिलयं त्या प्रेमाला
क्षिताजात रंगताना..
सरड्याच्या कातडीचे
रंग तेच भंगताना..!!
मी पाहिलयं आरशाला
नित्य नव्याने नटताना..
भरल्या विश्वासाचा पारा
अकस्मात तड़कताना..!!
🙏🌹🙏🌹🙏
*****सुनिल पवार....