|| सैराटी खैराट ||

|| सैराटी खैराट ||
=◆=◆=◆=◆=◆=
बहरलायं रानावनात
मुक्त सैराटी खैराट..
लुसलुसीत पानांचा
सुप्त काटेरी थरथराट..!!

टपलेत ते ठेकेदार
अलगद कापाया मान..
मनाच्या गाभाऱ्यात
कसले हे थैमान..!!

रसरसल्या भट्टयाची
आच अशी ओंडक्यात..
रंगलेल्या काताचा
हुंदका भरून त्यात..!!

चघळतोय समाज
चवीने मानाचा विडा..
रंगल्या मुखाने गातोय
कवने सैराटी पीड़ा..!!

वस्ती पाड्यावर झाला
असा सैराटी शिरकाव..
रुतलेल्या काटयास मना
तूच दूर भिरकाव..!!
****सुनिल पवार....