|| पेन ||

|| पेन ||
=====
मी जपून ठेवलेत
ते जुने पेन
मनाच्या कप्प्यात..
आपलेसे वाटणारे
ते फाउंटेन पेन
बॉल पेन
नटत होते
सजत होते
रुबाबात खिशात..!!

गळायची कधी शाई
मी निब बदलून
वापरत होतो
संपली जरी रिफिल
बदलून
पेन तोच ठेवत होतो..!!
किती आपुलकी
होती त्या पेनात..
तीच चमक
तोच स्नेह
भरून
प्रत्येक मनात..!!
पण काळ बदलला
तसे पेनही बदलले..
उतरली त्यांची
किंमत अन
बंद झाले कायमचे
होते कधी मी
सहज खोललेले..!!
वाटतोय वहीलाही
नकोसा झालाय
आता
पेनाचा सहवास..
मनाच्या कोरडेपणावर
शब्दांचा अट्टाहास..!!
आता तर
वापरा आणि फेका
ही वृत्ती
अधिक बोकाळली..
पेनाची ती दिलदार वृत्ती
काळाच्या ओघात
नकळत झाकोळली..!!
🙏🌹🙏🌹🙏
****सुनिल पवार....