|| गच्चीतल्या बांधावरून ||

|| गच्चीतल्या बांधावरून ||
=◆=◆=◆=◆=◆=◆=◆=◆=
मलाही वाटू लागलं होतं
मातीवर लोळयला पाहिजे..
माजलेल्या त्या पिकातून
हेटाळणीच तृण खुडायला पाहिजे..!!

पण
पाय ठेवायला जागा नाही
जमिनीच्या तर पत्ता नाही..
सीमेंटच्या ह्या जंगलात
मातीची कुठे सत्ता नाही..!!

तरीही चालवलीय मशागत
जिद्दीने शिकतोय कुंडीतले तंत्र..
मातीवीना शेतीच नवं
दालन खोललयं मी स्वतंत्र..!!

पाहतोय मीही आता गर्वाने
फुललेलं माझं बोंसाय शेत..
गच्चीच्या बांधावरून न्याहळतो
आखतो मनात स्वप्निल बेत..!!

मारा कितीही गमज्या तुम्ही
शहरींना मातीचं काही ज्ञात नाही
मी ही म्हणेन कुस्तीत त्यांना
हिंमत असेल जर तन मनात
तर मळा फुलल्या बिगर राहत नाही..!!
*****सुनिल पवार....🌿