ll प्रवास ll

प्रवास...

छोटासा एक कवडसा
बाकी अंधार सारा भरलेला..
कुठे चाललो हेच कळेना
तरीही प्रवास हा ठरलेला..!!

न संपणाराच हा अंधार
हाती अशी कोणती मशाल..
तिमिर सरता सेरेना मनाचा
तिची सावली इतकी विशाल..!!

तरीही प्रवास हा चाललेला
जगाच्या चकव्यात फसलेला..
फिरून तिथेच घेऊन येतो
आ वासून तिमिर टपलेला..!!

आता मिटावे वाटतात डोळे
तिमिरास अंगीकारून घ्यावे..
अन् त्याचेच व्हावेत सोहळे..
आपण सर्वथा पराधीन व्हावे..!!

तेव्हाच संपेल हा प्रवास
आपल्या मुक्कामी पोहचेल..
संपलेल्या ह्या प्रवासाचा
अस्मादिक स्मृतींरज असेल..!!
***सुनिल पवार...✍🏼