मागणी

|| होळीच्या हार्दिक शुभेच्छा ||
==================
मी,
जमा करतोय आज
तिरस्काराची लाकडे,
मत्सराच्या गोवऱ्या,
हेव्यादाव्याचं गवत..
मला होळीत दहन करायचं आहे
ज्वाळ गगनास भिडवायचा आहे
तुम्ही करता का थोडी मदत..?

आज
जमावायचे आहेत सारे रंग एकत्र
काळा, पांढरा,
लाल,भगवा,निळा,हिरवा इत्यादी..
झाकायची आहे त्याच रंगात
जात,धर्म,कर्म, आणखी बरचं काही
फक्त माणूस कळला पाहिजे
माझी मागणी आहे
इतकीच सरळ आणि साधी..!!
***सुनिल पवार...✍🏽