II क्षण सोनेरी II

II क्षण सोनेरी II
==========
खुललेल्या कळीने
आज
सहज विचारले भ्रमराला..
कसं रे जमत तुला
हळुवार फुंकर मारायला..??
जाणवते
तुझ्या फुंकरीची जादू
अन
हृदय लागते धडधडायला..
पाकळी मिटता मिटेना
जणू
निद्रानाश जडलाय निशेला..!!

हसला भ्रमर
म्हणाला,
तू श्रेय देत आहेस खरी मला
पण
मी आहे केवळ निमित्ताला
मी खुलतो तुझ्या सहवासात
सारे गुपित दडलेय त्यात
चल मिटून घे आता पापण्या
हृदयावर जरा ठेवून हात
मी असेन तुझ्या आसपास
मग जाणवतील तुला
मिटल्या पापणीतील
हे क्षण सोनेरी
तसेच असतील खास..!!
*****सुनिल पवार....