|| कधीतरी ||

|| कधीतरी ||
=========
मोत्याची सर होऊन
नुसतंच
गळ्यात मिरवत
पडून राहण्यापेक्षा
कधीतरी हो
यत्किंचित
हळुवार तलम पीस..
अन घे अनुभूती
स्वच्छंद उडण्याची
वाऱ्यावर होऊन स्वार
घाल गवसणी गगनास..!!

येशील पुन्हा खाली
अवचित जमिनीवर
तेव्हा कदाचित
तुडवली जाशील नकळत
पायदळी
वा उचलून घेईल कुणी
हळुवार
जपेल कोणी मनाच्या पुस्तकात..
इतके मात्र निश्चित सांगेन
कळेल मग तुझे तुलाच
नाही रंजन काहीच
मोत्याच्या मिरवण्यात
पण
गंमत आहे खरी ती
पिसाच्या उडण्यात..!!
***सुनिल पवार.....✍🏽😊