|| सेल्फी मनाचा ||

|| सेल्फी मनाचा ||
============
आज,
सेल्फीचा मोह
मनाला झाला..
तोंडाचा चंबू करून
एक सेल्फी घेतला..
अन
हसत धरला
माझ्या समोर
मन म्हणालं
बघ ना
सेल्फी मी काढला..!!

मी पाहिला सेल्फी
पुन्हा पुन्हा
परंतु
मला न कुठेच
मनाचा चेहरा दिसला..
मग
प्रश्न केला मनाला
कुठे आहे रे सेल्फी..?
नक्की काढला होता
का मोबाईल बिघडला..
का येडा बनवतोस मला..?
सांग तरी
उत्सुक आहे मी आता
तुझा सेल्फी बघायला..!!
हसले मन
म्हणाले.
आरं येडा का खुळा..
सेल्फीत यायला
का माणूस समजला मला..?
तू म्हणशील
तर दिसेनही कदाचित
पण
आधी तुला ठरवावे लागेल
नेमके कसे हवे
मी दिसायला..!!
*****सुनिल पवार....