|| पुरस्कार ||

|| पुरस्कार ||
========
रोजच भरतो साहित्य दरबार
पण अजब त्याचा कारभार..
तर्क शून्य ते सारे व्यवहार
झाले उदंड पुरस्कार..!!
फडफडतो कुठे कागद कोरा
त्यास, वाहत्या वाऱ्याचा आधार..
रांगू लागले बाळ जरासे
मिळवी जीवन गौरव पुरस्कार..!!
एकमेकांची पाठ खाजवू
असे अलिखित ठरलेले करार..
वजन वाढवता कागदाचे ते
खुलते पुरस्काराचे द्वार..!!
मलिन सारे आरसे मनाचे
जगा,काय छबी दिसणार..?
दिवा दावितो प्रकाश जगास
बुडाखाली त्याच्याही अंधार..!!
****सुनिल पवार...✍🏽