|| ती आलीच नाही ||

|| ती आलीच नाही ||
=============
कधीची पाहतोय वाट
तीचा पत्ता कुठेच नाही..
हूरहूर लागून राहिली
ती आलीच नाही..!!

तिच्याच मी मार्गावर
वेलीवर फुलांवर
स्वप्नांच्या झुल्यावर
कुठे फुल बहरलेच नाही
ती आलीच नाही..!!
पावसाच्या सरीवर
वाऱ्याच्या लहरीवर
इंद्रधनूच्या दोरीवर
कुठे रंग भरलेच नाही
ती आलीच नाही..!!
मनाच्या तळ्यात
निळ्याशार डोळ्यात
भावनेच्या जाळ्यात
कुठे सापडलीच नाही
ती आलीच नाही..!!
वर्तमानाच्या रकान्यात
ना भूत भविष्यात
वेगळ्या भावविश्वात
कुठे रमलीच नाही
ती आलीच नाही..!!
अशीच ती अल्लड
संवेदनेची सांगड
पण आहे तशीच गोड
तुम्ही समजता ती नाही
ती आलीच नाही..!!
***सुनिल पवार...✍🏽😊