नाही म्हणत मी..

नाही म्हणत मी..

नाही म्हणत मी राम
मानतो तुझा सल्ला..
आता तसाही तो कुठे
तुझ्यात नाही उरला..!!

नाही म्हणत मी येशू
नको होऊ रे उदास..
तो नव्हता कधीच तुझा
नको करून घेऊ त्रास..!!

नाही म्हणत मी अल्ला
पण थांबावं तुझा सल्ला..
कळणार नाही तो तुला
दंड आवर रे मल्ला..!!

नाही म्हणत मी बुद्धा
मित्रा, आता तू सुद्धा..?
धम्म ना कधी स्मरला
उगा पेटतोय बघ मुद्दा..!!

नाव त्यांचे घ्यायचा..
हक्क नाही तुला, मला..
मग दाखले कसले देतोस
विसरून माणुसकीला..!!

आता तूच झाला दगड
म्हणूनच, मी पूजतोय त्याला..
तुला फुटणार नाहीच तसा
कदाचित फुटेल पाझर दगडाला..!!
***सुनिल पवार...✍🏽