II कोकणचा शेतकरी II

II कोकणचा शेतकरी II
===============
या कधीतरी कोकणात
पहा तिथलाही शेतकरी..
नाही गेला तो कधी
सावकाराच्या दारी..!!

एक सामायिक घर
त्यात वेगवेगळ्या चुली..
ताटात चतकोर भाकरी
त्यावर हिरवी चटणी ओली..!!
चंद्र मुखड्याची
जमीन तुकड्या तुकड्याची
भावा भावात वाटली..
आडात नाही काहीच
मग पोहऱ्यात तरी कुठली..!!
तीच पारंपारिक शेती..
आणेवारीची खाती
नाही आधुनिक यंत्र..
एका बैल जोड़ी मात्र
तेच मशागती तंत्र..!!
आंबा काजू फणसावर
त्याची सारी मदार
नाही दूसरा आधार..
वर्षाच्या बेगमीवर
त्याचा चालतो संसार..!!
निसर्गान नाडल
पावसानं झोडलं
भरला मोहर करपला..
तरी नाही डगमगला
नाही रोष प्रकट केला..!!
अठरा विश्व दारिद्र जरी..
ना कवटाळली त्याने दोरी
प्रसंगी करितो चाकरी
आहे चिवट तो भारी
माझा कोकणचा शेतकरी..!!
******सुनील पवार.....