|| कविता ||

|| कविता ||
=●=●=●=
ती सहज म्हणाली
आज माझ्यावर
कविता करा..
मी हसलो
म्हणालो,
तूच खरी कविता
तो उडतोय पदर
सावर ज़रा..!!

ती लटकेच रागावली
म्हणाली,
चल चावट कुठला..
मी मिश्किल हसलो
म्हणालो,
चला सुटलो बुवा
आता प्रश्नच मिटला..!!

ती चिडली अन
म्हणाली,
आता बदलू नको
विषय..
मी घेतले कवेत
म्हणालो,
नाही ग राणी
ज़रा समजून घे
आशय..!!

ती गहिवरली
म्हणाली,
असा फिरवू नको ना
शब्दात..
मी पुन्हा हसलो
म्हणालो,
बघ चांदण फूलतयं कसं
मस्त नभात..!!

तिने पाठ फिरवली
म्हणाली,
तू ऐकनार नाहीस का
कधीच माझे..
मी जवळ ओढले
म्हणालो,
बघ तो आरक्त चंद्रमा
रूप सजलयं ना
त्यात तुझे..!!

ती खुदकन हसली
जणू
कविता तीज कळली
मुक्त चांदण्यांची
उधळण झाली..
मूक झाले प्रश्न सारे
अन कविता मौनात
बोलू लागली..!!
◆◆◆◆◆◆
 **सुनिल पवार....