|| वल्गना ||

|| वल्गना ||
=●=●=●=
बेंबिच्या देठातुन कोकलतोय पुरुष
स्त्री मुक्तीच्या मुक्त गप्पा ठोकतोय..
सरसावुन बाह्या सज्ज जो तो
पाढा तोच मी ही घोकतोय..!!

मांडतोय तिच्याच अब्रूची लक्तरे
प्रसिद्धिच्या त्याच सवंग वेशीवर..
गाठून निर्लज्ज कळस प्रतिभेचा
सजवतो शब्दफुल अभिव्यक्तीच्या सेजीवर..!!
उपभोगतोय तिला रात्रीच्या अंधारात
माझ्या मनाच्या मालकी हक्काने..
चुरगळून तीच्या भावनांची चादर
पांघरुण ओढून पहुडतो सुखाने..!!
गाजतोय तीच हुकूमत शब्दातून
फुंकरीत हळुवार सांत्वनाची शाई..
पेटवून लेखणीस देतोय उबारा
कोरीच राखून मनाची वही..!!
*****सुनिल पवार......