|| कुणी वेदना घेता का ||

|| कुणी वेदना घेता का ||
=●=●=●=●=●=●=●=
कुणी वेदना घेता का
वेदना..??

मांडला शब्दांचा बाजार
का मनाचा आजार
उधारीचाच व्यवहार
सांगा हवाय कोणा..?
कोणी वेदना घेता का
वेदना..??
गोठवणाऱ्या संवेदना
आल्यात ताज्या मना
विचार कसला करता
एखाद दूसरी घ्या ना..!!
कोणी वेदना घेता का
वेदना..??
भळभळणाऱ्या जखमा
भावनेचा मुलामा..
ह्याच्या, त्याच्या अन तिच्या
जमविल्या नाना..!!
कोणी वेदना घेता का
वेदना..??
प्रेमाच्या,विरहाच्या
नसलेल्या नात्याच्या
विचारू नका कोणाच्या
तुमच्या तुम्हीच जाणा..
कोणी वेदना घेता का
वेदना..??
सौदा हा फायद्याचा
नाही बडगा कायद्याचा
करू नका मना
अनुभवुन तर बघा ना..
कोणी वेदना घेता का
वेदना..??
****सुनिल पवार...