|| सांग कधी ||

|| सांग कधी ||
=●=●=●=●=
वृक्षासही वाटतो घ्यावा
कोमल लतेचा आधार..
आवेगाचे तरल भाव
सांग कधी तुज कळणार..!!

सागरही सरकतो मागे
झेलण्यास नदीची धार..
पावले तशीच अल्लड
सांग कधी मजकडे वळणार..!!
नभासही सुखावतो रात्री
पूर्ण चंद्राचा संचार..
रातराणीच्या त्या चांदण्या
सांग कधी तू माळणार..!!
वाऱ्यासही नादावते नित्य
वर्षाराणी पाणीदार..
टवटवी गंधीत धरेची
सांग कधी तू लेवणार..!!
क्षितिजही मिरवते भाळी
लाल रंगाचा श्रृंगार..
संकेत तसेच मिलनाचे
सांग कधी तू पाळणार..!!
*****सुनिल पवार....