|| माझी आजी ||

|| माझी आजी ||
=●=●=●=●=●=
सुरकुतल्या हातांनी
किलकिल्या डोळ्यांनी
तू डोईवर हात फिरवते
आजी तुझ्या प्रेमाने
मन अजूनही गहिवरते..!!

आईविना होतो पोरका
दिली तू त्यास ममता
पित्याची तू माता
झाली तशीच माऊली
मज सांभाळता..!!
हयात गेली गावात
ना कसली खबरबात
परी आली तू शहरात
लेकराच्या लेकरासाठी
तू राबली दिनरात..!!
केलेस बहु लाड माझे
तू वाढविले कौतुकात
आहे मज सारेच ज्ञात
जपले मज फुलापरी
तू ठेविलें सुखात..!!
अडानी तू होतीस परी
शिकवलीस रीत भात
आजी तुझ्या आठवणीस
मी जपलय हृदयात..!!
🙏🌹🙏🌹🙏🌹🙏
*****सुनिल पवार.....