|| होण्याआधीच ||

|| होण्याआधीच ||
=●=●=●=●=●=
कसे फुलावे ते नंदनवन
आभाळ हल्ली भरत नाही..
भरलेच कधी चुकून जरी
भाकित खरे ठरत नाही..!!

भेगाळली भूई चीत्कारली असह्य
वेदनेचा फाळ रुततो मनात..
पेरावी स्वप्ने किती गुलाबी
सल काट्याची तीच अंतरात..!!
रुजतो हिरवा कोंब कोमल
कोणी पायदळी तुडवतो..
मनात केले मंदिर ज्याचे
तोच अवकाळी घडवतो..!!
तरीही जीव सृष्टिवर जडतो
पुन्हा तोच गुन्हा घडतो..
आशेचा थेंब कोणी शिंपडतो
नवतीची तोच कळी खुडतो..!!
नाही वाटत आता मुक्त बहरावे
कोणाच्या ओठी गीत व्हावे..
होण्याआधीच निर्माल्य भावनेचे
वाटते...
आपल्याच उदरात गड़प व्हावे..!!
******सुनिल पवार....