साजणी...

साजणी..

दूर कुठे प्रेमाच्या गावात
मजसवे सखे तू येशील का..?
माझ्या स्वप्नांचे घर सजलेले
प्रेम कटाक्षे पाहशील का..!!

जरा उन्माद भरून श्वासात
तू मिठी आवगे मारशील का..?
माझ्या देहातल्या अचेत कुडीत
तू प्राण संचार करशील का..!!

तव ओठांच्या दोन पाकळ्या
उमलतील जर का स्वच्छंदी..
तर भ्रमराचेही गुज सजेल
अन् साज चढेल गं मकरंदी..!!

निल नभाच्या निल डोही
घे सामावून मज नयनी..
अखंड बुडून घेईन स्वतःस
जर स्वप्न साकारशील साजणी. !!
***सुनिल पवार...✍️