|| मेघ प्रेमाचा ||

|| मेघ प्रेमाचा ||
==========
एक मेघ तो प्रेमाचा
मन अंबरी दाटला..
ना कळले माझे मला
कसा वारा वेडावला..!!

बरसेल का ती धारा
वाटे शंका त्या क्षणाला..
कसा लाभावा किनारा
उधाणल्या त्या मनाला..!!

काय करावा इशारा
कसे समजावे तीला..
घालमेल ती मनाला
कोणा घ्यावे मदतीला..!!

दूत तोच एक आला
भिडले अक्ष अक्षाला
मन सांगे ते मनाला
जाण माझिया प्रेमाला..!!

हर्ष वाटे तो मनाला
बांध तिचाही तुटला
नाही म्हणता म्हणता
प्रेमा पाझर फुटला..!!
******सुनिल पवार......