।। एक जग स्वनाचे ।।

।। एक जग स्वनाचे ।।
******************
भावनेने गुंफलेले एक जग स्वप्नांचे
प्रत्येकाच्या आयुष्यात येत असते
मनोवांच्छित मनोरे रचता
मन मुक्त भरारी घेत असते...!!

स्वप्नांच्या ह्या आगळ्या विश्वात
स्वप्नवत एक परी असते
वास्तवात असो वा नसों
स्वप्नात अधिक खरी असते..!!
वेडे असते ना हे मन
स्वप्नांना हवा देत असते
पतंग जशी वाऱ्यवरची
हिंदोळ्यावर विहरत असते..!!
तुटते कधी दोर स्वप्नांची
मनाची पतंग नकळत भरकटते
म्हणातात लोक काळ जखम भरते
तरीही..स्वप्न मात्र स्वप्नच ठरते..
स्वप्न मात्र....स्वप्नच ठरते...!!
*******सुनिल पवार.......