।। बेधडक बोल मराठी ।।

।। बेधडक बोल मराठी ।।
=================
आज गातोय गोडवे फार,
फसवीच परी भाषेची वाढ..
रेटणार नाही जिव्हा उद्या,
फुटेल तिज इंग्रजी हाड..!!

श्रद्धाळु आमच्या मनात रुजतो,
अंधश्रद्धेचाच पगडा गाढ़..
नमस्कारास करून बाय बाय,
हाय हेल्लोचचं वाढलयं फ्याड..!!

माय मरो आणि आंटी जगो,
ही वृत्तीच करतेय सारा बिघाड..
घरची भाकर बेचव झाली,
अन बर्गर आता लागतोय ग्वाड..!!

संस्कृती राहिली दिवसापुरती,
आता स्टेटसचे वाढले लाड..
पोकळ झाला मानाचा वाङा,
अन बोनसाय झाले बोलके झाड़..!!

न्यूनगंड जे वाढले मनात,
समूळ सारे उपटून काढ..
बोल प्रथम बेधड़क मराठी,
अभिमानाचे मग झेंडे गाड..!!
*****सुनिल पवार....✍🏽