।। भावनेच्या वेदना ।।

।। भावनेच्या वेदना ।।
*******************
समजू नका कोणी मज कवी
शब्दात भावनेच्या वेदना मांडतो..
ज्याला शब्द भावतात
तो त्यास कविता समजतो..!!

मग मीच मनात हसतो
नकळत विचार करतो..
भावनेच्या ह्या विश्वात..
साला वेदनेचा बाजार भरतो..!!
जितकी वेदना खोल जास्त
जनमनात तोच शब्द बसतो..
वेदनेच्या ह्या भूलभुलय्यात
मग मी ही नकळत फसतो..!!
लिहतो नव्या जोमाने
वेदनेस पुन्हा पुन्हा कुरवाळतो..
आले सुख चालून कधी
मी त्याला सुद्धा टाळतो..!!
सवय झाली आता मला
मी हात वेदनेकडे पसरतो..
शब्दांच्या ह्या माया नगरीत
मी निखळ जगणेच विसरतो..!!
************सुनिल पवार....