।। आम्ही पुरोगामी ।।

।। आम्ही पुरोगामी ।।
******************
आम्ही पुरोगामी,
आम्हास जातीची बिमारी
श्रद्धा अंधश्रद्धा
खेळे आमच्या दारी...!!

अतिथि देवो भवः
आमची संस्कृती ती न्यारी
ठावुक नसते अहो आम्हास
राहतो कोण शेजारी..!!
मन आमचे तसे संस्कारी
आमच्या परंपरा भारी
सुधारणा करू पाहता
आम्ही उगारतो तलवारी..!!
साधी राहणी उच्च विचारसरणी
आमची बैठक ही विचारी..
मुखात नाम देवाचे
अन वृत्ती व्यभिचारी..!!
मावळे आम्ही शिवबांचे
आमची बुलंद ही ललकारी..
निष्ठा आम्ही वाहतो मात्र
पैश्याच्या दरबारी...!!
फुले आंबेडकरांचे विचार
म्हणतो पोहचवु घरोघरी..
पण पोटात एक अन ओठात एक
वाढवे जातीयतेची दरी..!!
कुठे आहे हो पुरोगामी
कुठे भेटेल तो सांगा तरी..?
लांब कशाला कुणी जाता
शोधून पहा बरं अंतरी..!!
🙏🏽🌹🙏🏽🌹🙏🏽🌹🙏🏽
******सुनिल पवार......