।। आयुष्यावर बोलू काही ।।

।। आयुष्यावर बोलू काही ।।
*********************
काय असते आयुष्य..?? 

आयुष्यावर बोलू काही..
डोहात तयाच्या उतरून 

भेद भाव खोलू काही..!!

आयुष्य ते कोणाचे 

खुले पुस्तक असते जसे..
तर कोणाचे आयुष्य ते 

मुखवट्यात वसते जसे..!!

आयुष्याच्या पुस्तकात 

क्षणा क्षणाचे असतात धड़े..
आयुष्य वाचणारेही 

असेच काही भासतात वेडे..!!

आयुष्य असते कोणासाठी 

निव्वळ ते उधळणे
कोणासाठी तेच आयुष्य 

असते केवळ जळणे..!!

आयुष्य नटते कोणासाठी 

उज्वल दिव्य प्रकाश..
तर आयुष्यात कोणाच्या 

केवळ तिमिर तोच भकास..!!

बोलू तरी किती आयुष्यावर, 

आयुष्याचे रंग हजार
आयुष्यावर असते 

आपल्या सर्वांचीच मदार..!!

आयुष्य देते कोणास दीक्षा, 

कोणास कधी करते शिक्षा..
नित्य करावा त्याचा अभ्यास, 

आयुष्य जशी एक परीक्षा..!!
***सुनील पवार...