|| जागृत की निद्रिस्त ||

|| जागृत की निद्रिस्त ||
=============
लोक
भरभरून लिहितात तुझ्यावर
कळत नाही
त्यांना कसं काय जमते..?
माझ्याचं प्रश्नात माझं मन
उगाच का गुंतते..?
हे प्रेम असेल का ग
का असेल ही तपस्या..?
जरा निरसन कर ना समस्या
अखंड वाहणारा हा शब्दांचा झरा
असतो का ग तितकाच खरा..?

मी नेहमीच संभ्रमित राहिलो
तुझे बदलणारे रूप पाहून
कधी वाटतेस तू
सुडौल बांध्याची नैसर्गिक ठेवण
तर कधी
रंग पोतलेली वगातली गौळण..
तर कधी चक्क
नवस्वप्नांच्या भरारीस उत्सुक
वधू जशी
आमंत्रित घेण्या केळवण..
कधी उपरी समजून
दुर्लक्षित केलेली बोळवण..!!
लोक म्हणतात मला
तू हृदयाच्या गाभाऱ्यात वसते
महत्प्रयासाच्या उर्मीतून प्रकट होते
पण प्रश्न हा आहे
तुझे हे अस्तित्व
नेमके किती काळ टिकते..?
मग विविध आशय, विषयावर
तू सहज कशी प्रकटते..?
मी हलवून, हेलावून पाहिले हृदयास
परंतु
तू ना दिसलीस कुठे जागृत
मी टोचून पाहिले लेखणीने
तरीही तू तशीच का निद्रित..?
का मी समजावे आता
तू केला असावा इतरत्र
तुझ्या राहण्याचा बंदोबस्त..??
****सुनिल पवार....✍🏼