|| भंगारवाला ||

|| भंगारवाला ||
==========
बस स्टॉपच्या कडेला
इवल्याशा खोपटात
तो भंगारवाला
काहीतरी ठोकत होता..
घण घण घण
घणाचे घाव घालता
विस्तीर्ण वस्तू छोटी
मात्र वजनदार करत होता..!!

मी माझ्यात होतो
तो त्यात कुठेच नव्हता
माझ्या नजरेत तुच्छता
तो मात्र
कामात मग्न होता
कारण
त्याच्या पोटाचा तो प्रश्न होता..!!
मला कळणार नव्हताच तो
कारण
माझा दृष्टिकोन वेगळा होता
मी म्हटलं मनात
काय वेडा माणूस हा
चांगल्या वस्तूंचा चोथा करतोय
पण मला कुठे ठाऊक होते.?
तो त्यावरच
आपलं उदर भरू पाहतोय..!!
काही वेळा नंतर
न जाणे का
त्याच्या घणाचे घाव
मनास बेचैन करू लागले
जणू सांगू लागले
बघ जरा सामावून त्याच्यात
मग कळेल त्याची मानसिकता
आणि
त्यामागील त्याची खरी भूमिका..!!
अरे
खरा भंगारवाला तर तूच आहेस
कारण
तो केवळ क्रियेरवर प्रकिया करतोय
तुझ्या लेखी
निरुपयोगी असणाऱ्या वस्तूतून
तो आपले पोट भरू पाहतोय
त्याला माहित आहे
त्याने पोट काही भरणार नाही
तरीही
त्यातीलच काही हिस्सा
त्याने आधीच तुला दिेला आहे
खरा भंगारवाला तर तूच आहेस..!!
अरे
खरा भंगारवाला तर तूच आहेस..!!
***सुनिल पवार...✍🏼😊