|| काळ्या आईचं लेणे ||

|| काळ्या आईचं लेणे ||
===============
माय माझी मृदुलाई
वसे शिवारी ढेकळी..
धूळ तिच्याच पायांची
रोज लावतो मी भाळी..!!

चरे तिच्या हृदयाचे
माझे काळीज फाडते..
निर नयनी दाटते
मन आभाळ गाठते..!!

पाखरांना झुलवित
रोज नटे हिरवाई..
पाना फुलांचा पाळणा
हलविते वनराई..!!

तिच्या कुशीत खेळता
ऊब आधाराची होते..
घाम जिरवून सारा
घास प्रेमे भरविते..!!

तुझ्याप्रति मन माझे
माये धन्य धन्य होते..
काळ्या आईचे हे लेणे
शब्दरुपी बहरते..!!
***सुनिल पवार...✍🏼