|| धवल प्रकाशात ||

|| धवल प्रकाशात ||
============
काल ती
चिडून म्हणाली
ही दुनिया आहे एक मोहमाया
इथे
कोणी समजून घेत नाही कोणाला
मग
तुला दोष देण्यात काय हशील..?
फार तर
तू त्या साखळीचा एक घटक होशील..!!

मी म्हणालो
सगळेच नसतात ग तसे
समजून घेणारेही आहेत खासे
ही समाजदारीच त्यांना नि:शब्द करते
सांगायचं असते पण मन अडवते
आणि मग
तू त्याला एकाच साखळीत गुंफते..!!
ती पुन्हा चिडली
म्हणाली
कळत नाही रे
ह्याला छळ म्हणू का खेळ म्हणू
छळच असावा हा माझा
खेळ तर तुझा होतोय..
तुझ्या ह्या निःशब्द खेळात
माझ्या धैयाचा बळी जातोय..!!
मी हसलो, म्हणालो
असा धीर सोडू नको
घेतला वसा मोडू नको
तुला अपेक्षित असणारा
तो दिवस
नक्की उगवेल केव्हातरी
आणि समज
नाहीच उगवला जरी कधी
तरी
तू अवस मात्र होऊ नको
उजळून टाक आसमंत सारा
तू पूर्ण चंद्र होऊन..
तृप्त होतील ग चांदण्या मग
तुझ्या
धवल प्रकाशात न्हाऊन..!!
***सुनिल पवार..✍🏼