|| कावळा ||
========
एरव्ही तू
उकिरडे फुंकत फिरत असतोस
तेव्हा मी घृणीत नजरेने तुला पाहतो..
तुझा कर्णकर्कश आवाज
अगदी नको नकोसा वाटतो
म्हणूनच मी तुला
खिडकीवरून पिटाळून लावतो..!!
पण म्हणतात ना!
प्रत्येकाचा दिवस येत असतो
तसाच आता तुझाही आलाय
प्रत्येक नजरेत तुझीच आतुरता
जणू पूर्वापार चालत आलेला लळा
अगदी तसाच दिसतोय कळवळा..!!
आता म्हणावेसे वाटतेय
की झाले गेले विसरून जा
ठेवले पक्वान्न चोच मारून जा
तुला बोलावून सुकला माझा गळा
अन् पेटू लागल्यात भुकेच्या ज्वाळा
आता विचारू नको आणि म्हणूही नको
का-वळा..!!
--सुनिल पवार...
No comments:
Post a Comment