|| क्षणभंगुर ||

|| क्षणभंगुर ||
=◆=◆=◆=◆=
खुप काही करायचे असते
पण खूप काही राहून जाते..
जीवनाच्या राहाट गाड्यात
जगणे निखळ वाहून जाते..!!

भविष्याच्या विश्रांतीसाठी
शरीर नित्य धावत राहते..
संपत नाही शर्यत कुठेच
उमेदीस मात्र दुरावत राहते..!!
कैक स्वप्ने नजरेत असतात
म्हणून रात्रीचाही दिवस होतो..
पण किती स्वप्न साकार होतात?
अन कितीसी सुखाची झोप घेतो..!!
आयुष्य सारे रंगवण्यात जाते
अंधारा शिवाय कुठे काय उरते..?
असो कुंचला जरी सोन्याचा
त्याचेही चित्र क्षणभंगुर ठरते..!!
🙏🏽🌹🙏🏽🌹🙏🏽🌹🙏🏽
*****सुनिल पवार..........