🌺मन मनाचे🌺

🌺मन मनाचे🌺
===========
मातीचीच चूल
परी
आकाशाची भूल..
आत्मप्रौढीच्या
तट्टाणीला
ऐरावती झुल..!!

ईवलस झाड
म्हणे
मूळ बहू खोल..
दूतर्फी वाजतो
त्याच्या
महिमेचा ढोल..!!
आसक्ती गुलाबाची
देते
काट्यांस भूल..
लालसेच्या पायी
नाहक
कुस्करते फुल..!!
औंदर्याचा वानवा
लावी
सागरास बोल..
डबकं मारे फुशारकी
सांगे
मीच अधिक खोल..!!
दगड सारे वाटेवर
त्यावर
ना चढवणार फुल..
माझ्याच पावलांची
माथी
मी लावणार धूळ..!!
***सुनिल पवार....✍🏽😊

🌺मैत्री🌺

🌺मैत्री🌺
=======
मैत्री म्हणजे एक
अनोखे आनंदी पर्व..

प्रत्येक मित्राने करावा
आपल्या मैत्रीचा गर्व..
ईर्षा,लोभ,राग,मत्सर
इथे अभावानेच दिसतात..
सुख दुःखाच्या पावसात
मित्र एकत्र भिजतात..!!
***सुनिल पवार...✍🏽

|| शर्यत ||

|| शर्यत ||
=======
निखळता हरवली जगण्याची
अन बदलली रीत वागण्याची..
लक्षाचा ना ठावठिकाणा
ही शर्यत अनोखी पळण्याची..!!

तू पळतो का मी पळतो
प्रश्न उगाच मनास छळतो..
जुंपून घेतलंय घाण्याला
पण नंबरासाठी जीव जळतो..!!
हे चित्र विचित्र दिसे धूसर
जसे दुरून साजिरे डोंगर..
गर्दी जमलीयं पोट भरू
पण मृगजळीच सारे लंगर..!!
खेळे नियती आंधळी कोशिंबीर
जो तो खेळण्यास दिसे अधीर..
असमाधानी मार्ग मोहाचा
शोषून घेतोय सांडून रुधिर..!!
****सुनिल पवार...✍🏽

विचार कधी करणार..?

🌺सुप्रभात🌺
==========
मारणाऱ्यास
अडवु शकतो हमखास
पण
बोलणाऱ्याचे काय.?
पांगळाच तो म्हणावा
त्यास
नसतात हात पाय..!!

त्यानं मारलं वासरू
म्हणून
मी मारावी का गाय..?
विचार कधी करणार
नेमकं
आपलं चुकतंय काय..?
***$p..✍🏽😀😜

|| प्रतिभा / श्रवणीका ||

💝तिच्यातील ती💝
=============
|| प्रतिभा / श्रवणीका ||
==============
शेवटी वैतागून
मी म्हणालो तिला
तीन चार दिवस झाले ग
काही सुचत नाही..
निजलीयं प्रतिभा बिनघोर
अन बघ ना
काव्यालाही शब्द रुचत नाही..!!

हसली ती खुदकन
म्हणाली
चला बरंच झालं
ते म्हणतात ना
सुंटेवाचून खोकला गेला..
म्हणजे नेमकं
तसं म्हणायचं नाही मला
पण दमली असेल बिचारी
निजू दे जरा
चाळवू नको तू उगाच तिला..!!
उत्तरलो मी
कळतंय हा मला
तुझं हे खोचक बोलणं..
ते म्हणतात ना काय ते..?
हां..
नाकाने कांदे सोलणं..
का असं म्हणू..?
माझ्या काव्यावर तुझं जळणं..
तू काही म्हण
पण
कठीण आहे ग
आता माझं मन वळवणं..!!
ती साळसूद म्हणाली
हा गैरसमज आहे तुझा
त्यात जळायचं ते काय..?
आणि जो आधीच वळलाय
त्याला वळवायचं ते काय..?
आणि
धरून कुत्रं पारधीला
कधी न्हेता येतं काय..?
सांग ना
काही आहे का तरणोपाय..?
म्हटलं मी
बरं.. बरं कळलं हा
आता बघचं तू
जागवतो प्रतिभेला
अन भेटवतो काव्याला
मग कळेलंच तुला
काय असते प्रतिभा
अन कशी असते कविता
तसा
मी ही आहे तितकाच खमका..
ती हसली पुन्हा
म्हणाली ईतकेच
वाया जातील रे तुझे
सारेच प्रयत्न
कारण..
ठार बहिरी आहे ना
माझी
सुकोमल श्रवणीका..!!
****सुनिल पवार...

|| नात्याची वीण ||

==========
|| नात्याची वीण ||
==========
नात्याची वीण कधी
सुटता सुटत नाही..
हे बंध रेशमाचे जरी
तुटता तुटत नाही..
दूधच असते जणू
मायेच्या घट्ट साईचे
तापमान कोणतेही असो
फाटता फाटत नाही..!!
***सुनिल पवार...✍🏽
(आगामी "अभाग्याचं राजस भाग्य" कादंबरीतील वाक्य)

|| तू आणि मी ||

पुतणीने तिच्या लग्नाच्या वाढदिवासा निमित्त आग्रहाने एक रचना लिहायला सांगितली..व तिचेच भाव कवितेत मांडण्याचा मी प्रामाणिक प्रयत्न केला..अन तिने सहमतीचा 👍🏼 दाखवला..😊
=====================
|| तू आणि मी ||
==========
मी पाहते
हळूच
उलघडून अलबम
आठवणींचा जुना..
अन
छबी तुझीच मोहक
नजरेत तरळते
साजना..!!

मी भेटते
नकळत
आपल्या भेटीच्या
त्या अमूल्य गोड क्षणांना..
अन
तू ही दिसतोस तिथेच
क्षितीजात नवे
रंग भरताना..!!
मी रमते
बागडते
भावी स्वप्नांच्या
सुमधुर भावविश्वात..
अन
तू असतोस सोबत
भरून श्वासात
तनामनात, रोमरोमात..!!
मी रेखिते
चित्र सुरेख
सुखी संसाराचे
तरल नात्याचे..
अन
तूच खुलवतोस तयास
घेऊन रूप
हळुवार कुंचल्याचे..!!
मी देते
धन्यवाद
त्या विधात्यास
दिली साथ क्षणोक्षणी..
अन
बांधली गाठ जन्मोजन्मीची
आजच्या ह्या गोड
अविस्मरणीय दिनी..!!
***सुनिल पवार...✍🏽