|| हेच खरे ||

|| हेच खरे ||
========
वाटते नेहमी मनासारखे घडावे
पण तसे घडत नाही हेच खरे..
मानावा लागतो नियतीचा आदेश
झुकवावी लागते मान हेच खरे..!!

तसं कारण असते प्रत्येक कृतीमागे
संकेत असतात जीवनाचे हेच खरे..
सूत्र सारी त्या नियतीच्या हातातली
आपण असतो निमित्तमात्र हेच खरे..!!

असंतुष्टतेचा शाप स्वभावास भोवतो
लाभूनही मन भरत नाही हेच खरे..
मग कशास बरे मन कोसते मनास
सारेच खेळ असतात मनाचे हेच खरे..!!

आहे छबी हृदयात, वावरते ती आसपास
तरी भेटीचा असतो अट्टाहास हेच खरे..
जे लाभले मज क्षण तुझ्या भेटीचे खास
तेच जतन करावे आता मनात हेच खरे..!!
***सुनिल पवार....✍🏼
(आगामी "वळणावरच्या वाटा" मधून)