|| तुझा देव ||

|| तुझा देव ||
=========
तुला निमित्त हवं होतं
ते मी आता तुला दिलंय..
तू खुशाल बांध त्यावर
आपले मनोइच्छित आलंय..!!

तुझ्या काळजीचा गाभारा
केव्हाच साफ करून ठेवलाय..
अन् भरलेला तिमिर सारा
मी काळजात रोखून धरलाय..!!

आता उरकून घे तुझी पाद्यपूजा
स्मृतींची फुले वाहून घे त्यावर..
मी चढवला आहे मातीचा थर
माझ्या धूसर पाऊलखुणांवर..!!

आता वळून पाहू नको मागे
तिथे भिक्षुक दिसेल पायरीवर..
तुझा देव केवळ देवळात आहे
तू लक्ष त्यावर केंद्रित कर..!!
***सुनिल पवार...✍🏼