|| उत्तर ||

|| उत्तर ||
=◆=◆=◆=
तुझ्या उत्तराने सखे
मी नित्य संभ्रमात पडतो..
हे खरे का ते खरे
प्रश्न पुन्हा नव्याने पडतो..!!

शिकलीस तरी कुठे अशी
बगल द्यायची कला..
कशी संभ्रमावर झुलवतेस
माझ्या प्रश्नाचा झूला..!!
बरं जमतं ग तुला
शब्दांशी लीलया खेळायला..
अपेक्षित माझ्या उत्तराला
अनपेक्षितरित्या टाळायला..!!
तुलाही आवडतयं ना
माझं नित्य तुझ्याकडे येणे.
प्रश्न उत्तराच्या बहाण्याने
तासंतास तुझ्याशी बोलणे..!!
कळतयं मला सारं
परी वळत नाही काही..
अन संभ्रमाच्या ह्या कोड्याला
तुझ्याशिवाय उत्तर नाही..!!
आज तरी देशील का ग
माझं अपेक्षित असलेलं उत्तर..
शिंपडशील का माझ्या संभ्रमावर
तुझ्या होकाराचं अत्तर..!!
******सुनिल पवार...