|| फुलपाखरु ||

|| फुलपाखरु ||
🍁🍁🍁🍁
रंगबिरंगी फुलाफुलांतुन
उड़ते फिरते, फुलपाखरु..
नजरेत भरते, भान हरपते..!!
रंग बिखरते, फुलपाखरु..!!

सुंदर अंग लाघवी रंग
मोह होतसे पाहण्या धरु..
रूप साजिरे, दिसे गोजिरे
पंख पसरते, फुलपाखरु..!!
स्वच्छंद निरागस, निर्मळ पारस
वाऱ्यावर लहरते, भुरभुरु
धरु पाहता, हलकेच निसटते,
बोटांस रंगते, फुलपाखरु..!!
कोमल मन, चंचल चितवन
चित्त वेधते, तल्लीन लतिका तरु..
इवलेसे मन आनंदी क्षण
कवेत भरते, फुलपाखरु..!!
बहर बहरे, बहर ओसरे
स्मृतित उरते, फुलपाखरु..
येता जाता भास तयाचे
स्वप्नात वसते, फुलपाखरु..!!
🍁🐾🍁🐾🍁🐾🍁
*******सुनिल पवार.......