|| मन माझे सांगत असते ||

|| मन माझे सांगत असते ||
=◆=◆=◆=◆=◆=◆=◆=◆=
हल्ली वर्षाचे 12 महीने
मला भुई भेगाळलेली दिसते..
मनाच्या पावसाने कळेना
कुठे दड़ी मारलेली असते..!!

गुलाब कोणा दिसत नाही
काट्यांचे तेच टोचणे असते..
कुंपणावरच्या निवडूंगाचे
कुंपणावरती सजणे असते..!!

संवेदनशीलता लुप्त कुठे
वेदनाच साली उठून दिसते..
जखम असते तीच मामूली
पट्टी सुबक चिकटुन बसते..!!

निर्रथक भासतात वाद सारे
चर्चा मात्र रंगत असते..
अढी असावी तीच मनाची
मन माझे सांगत असते..!!
🏼🏼🏼🏼
*****सुनिल पवार...