|| अशी आडवळणाने ||

|| अशी आडवळणाने ||
=◆=◆=◆=◆=◆=◆=◆=
अशी आड़वळणाने ये सखे
तू ओळख जगाची खोडून ये
लावतील लोक कयास काही
तो घुंगट ज़रा ओढुन ये..!!

ढवळून जाईल आसमंत
असे रंगास रंग जोडून ये..
तू चाल ज़रा जपून सखे
ती वहिवाट ज़रा सोडून ये..!!
तू अशी का तू तशी
तर्कास उधाण घेऊन ये..
भग्न होतील किनारे अचंबित
तू लाटेवर स्वार होऊन ये..!!
ढगाळु दे वातावरण सारे
तू नवतीचा बहर होऊन ये..
उडून जाईल पाला पाचोळा
तू वादळ मनाचे लेवुन ये..!!
****सुनिल पवार......