|| जत्रा ||

|| जत्रा ||
======
किती बदलल्या काना मात्रा
गलित झाल्या शब्द गात्रा..
किती पुजू शब्दांच्या सूत्रा
जगात भरली कोरडी जत्रा..!!

का कुरवाळतो मी शब्दाला
काय मोल त्या भावनेला..
गहीवर तोच मनाचा माझा
कधी भावला कुठे कोणाला..!!

काय फलित मम शब्दांचे
कशास होते त्यांस जुळवले..
शब्द शब्द हा फोडतो टाहो
शब्द कुणाचे कुणी पळवले..!!

हौशे गवशे नवशे सारेच
शब्द जत्रेत लीलया रुळले..
का मज मग शब्दांनीच छळले
माझ्याच नावास असे गाळले..!!
*******सुनिल पवार......