|| त्या क्षणाचा ||

|| त्या क्षणाचा ||
==========
त्या क्षणाचा मोह भुलवितो...
हिंदोळ्यावर मना झुलवितो..!!

बोलतेस तू बोल ऐसे
ह्रदय तार झंकारते जैसे
देह भान मी विसरतो
तृप्त कर्ण तरी आसुसतो..!!
त्या क्षणाचा मोह भुलवितो...ss

मारता तू मिठी आवेगे
पुलकित रोम होते जागे
बंध मनाचा हलके उसवतो
प्रेम भाव मनी प्रसवतो..!!

त्या क्षणाचा मोह भुलवितो..ss
द्वैत अद्वैत खेळ जरी हा
गंधित धुंद सुगंधा परी हा
परिमळ तो रोमांच फुलवितो
श्वास तुझा श्वासात मिसळतो..!!
त्या क्षणाचा मोह भुलवितो...ss

मिलनाचे फलित काय ते
ओढ़ तुझी मम जीवा लावते..
आठवणीत त्या नित्य राहतो
वाट तुझी क्षण क्षण पाहतो..!!
त्या क्षणाचा मोह भुलवितो...ss
हिंदोळ्यावर मना झुलवितो..!!
******सुनिल पवार......