|| सोड वल्कले ||

🌹विचार🌹पुष्प
==========
|| सोड वल्कले ||
🙏🌹🙏🌹🙏
जातीची तू सोड वल्कले
जीर्ण झाली फाटली कापडं
घे पेहराव नव्या युगाचा
का ओढतो तू उगा झापड़ं..!!

भाव तुझा तोच माझा
हवा कशास सांग दूजा
घे समतेचे आकाश कवेत
सरसावु दे वैचारिक भुजा..!!

कशास काढतो उणे धूणे
नाही साध्य त्यात रे काही
शब्द नुसतेच पेटतात इरेला
अन वाया जाते रक्ताची शाई..!!

जगा अन जगु दया
जगी जागव रे भूतदया
तू माझा अन मी तुझा
मूलमंत्र हाच मनी रुजवुया..!!
🙏🌹🙏🌹🙏🌹🙏
*****सुनिल पवार.....