।। आईवरचं प्रेम ।।

आईवरचं प्रेम...

आईवरचं प्रेम तुझं, आज नेटवर उफाळून येतंय..
घरात मात्र तुझी आई, रोजचंच दळण दळतेय..!!

तू न सांगताही बाळा, तिला तुझं दुखः कळतंय..
तुझ्याच सुखासाठी तिचा, जीव असा तळमळतोय..!!

भाकरी करपु नये म्हणून, ती बोटं आपलं जाळतेय..
अन् तू गीळताना म्हणतो, आई तुला काय कळतंय..!!

तुझ्या प्रेमाचं बेगडी वारु, आज नेटवर जे उधळतंय..
ते पाहून रे वेड्या, माझं मनही आता मलाच छळतंय..!!
--सुनिल पवार...✍️

|| कशी होती माझी आई ||

|| कशी होती माझी आई ||
********************
🙏🙏🙏🙏🙏🙏🙏
ऐकली मी आई
नाही अनुभवली
दिले कोणी प्रेम
त्यात मज दिसली..!!
🌹🌹🌹🌹🌹
विचारले ज्याला
म्हणे देवाघरी गेली
सांग रे देवा
अशी घाई का केली..!!
🌹🌹🌹🌹🌹
हक्क होता तो माझा
का असा हिरावला
आई वीना लेकास
का पोरका केला..!!!
🌹🌹🌹🌹🌹
म्हणतात लोक सदा
तू आई वीना भिकारी
म्हणून का रे घेतलीस
माझी मायेची भाकरी..!!
🌹🌹🌹🌹🌹
अश्रु माझे पुसणया
कुठे शोधु आई
इतके तरी साग देवा
कशी होती माझी आई..!!
🌹🌹🌹🌹🌹
*****सुनिल पवार.....
|| मातृ दिनाच्या हार्दिक शुभेच्छा ||

II वेदना / संवेदना II

II वेदना / संवेदना II
**********
जाणून घेण्या वेदना
मी गेलो तिच्या जवळ..
कळली मज जी काही
मी मांडतो तुम्हा जवळ..!!

वेदनेचे असते मनाशी नाते
मनास असते वेदनेची कळकळ..
वेदनेने होते मन ते विव्हळ
वेदनेचेही असते मनास पाठबळ..!!

वेदने पॉटी जन्मते पीड़ा
वेदना निर्मीते मनात वादळ..
करते कधी मनाचा छळ..
कधी देते जगण्यास बळ..!!

कणव सुद्धा असते वेदनेच्या मनी
जी करते मना मनास जवळ..
वेदनेलाही जागवते सवेदना
वेदनाच असते प्रीतीचे सुफ़ळ..!!
*********सुनील पवार.....

II जगुन बघ तू सकारात II

II जगुन बघ तू सकारात II
*************************
वाट पहातेस तू माझी
नजर का तुझी शून्यात..
भान नसे तुझ कसले..
रमतेस आपल्याच भाव विश्वात..!!

नेहमीच येतो मी..
उभा असतो तुझ्या दारात..
पाहत नाही मज कधी..
असतेस तू सदा विरहात..!!

अश्रु तुझ्या डोळ्यात..
तुज दिसे सारे धूसर..
असुनही मी मनात
का शोधते ती नजर..!!

झटकून टाक मळभ
उजळेल बघ आकाश
सोड नकाराची कास
भर होकर तू दिलखुलास..!!

काय ठेवले त्या नकारात
अंधकार वसतो ग त्यात..
धर हात तू सकाराचा
जगुन बघ तू सकारात..!!
********सुनील पवार.....

।। अर्थ प्रेमाचा ।।

|| अर्थ प्रेमाचा ||
**************
बऱ्याच वर्षानी आज
तिची अन माझी भेट झाली
वाटेत ती समोर आली
नजारा नजर थेट झाली..!!

पाहताच मज समोर
नजर तिची खाली झुकली
सहज विचारले तिला
काय ग ओळख विसरली..??

उत्तरली मज नाही रे
कसे विसरु शकते तुला
कोण विसरलय सांग ना
आजवर पहिल्या प्रेमाला..!!

ऐकून तिचे ऊत्तर
क्षणभर न पटले मनाला
मग का सोडून गेलीस अर्ध्यावर
प्रश्न मी केला तीज दुसऱ्या क्षणाला..!!

ऐकून माझा भडिमार
पाणी आले तिच्या डोळ्याला
म्हणाली व्यवहार पाहिला रे मी
तिलांजली दिली प्रेमाला..!!

मग आता खुश आहेस ना
पुन्हा मी प्रश्न केला
उसने हसली अन उत्तरली
तोटा नाही रे पैशाला..!!

तू कसा आहेस
प्रश्न आता तिने केला
म्हणालो मी
लोळतोय प्रेमाच्या राशीत
नाही भुकेला मी पैशाला..!!

उधळतोय दोन्ही हातांनी प्रेम
नाही तोटा समाधानाला
तुझ्या वाट्याच प्रेम
देतोय आता सहचारणीला..!!

अजूनही वाहत होत्या गंगा यमुना
बांध मानाचा फुटला होता
माझ्या उत्तराने कदाचित तिला
प्रेमाचा अर्थ खरा कळला होता..!!
***********सुनिल पवार.....
02/05/2015 - 11:30pm