II खोलात की अंतात II

II खोलात की अंतात II
=●=●=●=●=●=●=●
माझ्याच वेदनेचे वादळ
उध्वस्त करते मनास माझ्या..
आवरू पाहतोय आवरे ना
आठवणीत जे वाहातंय तुझ्या..!!

आशंकांचे काळे ढग
व्यापून राहतात अंगणात माझ्या..
काहूरांचा पाऊस थमेना
आठवणीत जो बरसतोय तुझ्या..!!
अनंत प्रश्नांचे अनुत्तरीत कोंब
फुलतात नाहक अंतरात माझ्या..
किती खुडपले खुडपेंना
आठवणीत जो तो रुजतोय तुझ्या..!!
विचारांच्या झाल्या चिखलात
मी उभा असा एकांतात माझ्या..
खोलात की अंतात कळेना
आठवणीत कोण ओढतोय तुझ्या..!!
◆◆◆◆◆◆◆◆◆◆◆◆◆◆◆◆
**********सुनिल पवार......