|| भरला घड़ा ||

|| भरला घड़ा ||
■◆■◆■◆■◆■
काय अर्थ उरतो हो बेताल बोलण्याला..
नसे धरबंध कुठे तो त्यांच्या वागण्याला..!!

ते एकजात कर्मठ अंध सारेच धर्माचे
ना दृष्टिकोण काही त्यांच्या पाहण्याला..!!
ओकतात गरळ नित्य रसाळ वाणीतून
अमृत मानु कसे मी, त्यांच्या सांगण्याला..!!
सछिद्र रांजण एक एक सडक्या मातीचे
प्रत्येक भरला घड़ा घेतला फोडण्याला..!!
येतील रावण कैक सीता हरण्यास नित्य
प्रत्यंचा ओढली मी, ती नाभी भेदण्याला..!!
किती जन्म झाले ना कळलेच कोणाला
एक नवा आयाम मिळो त्यांच्या जगण्याला..!!
*****सुनिल पवार.......