।। डोकावता बालपणात ।।

।। डोकावता बालपणात ।।
**********************
सहज डोकावले बालपणात
स्वच्छंद त्या वेड्या क्षणात..
बालपणीचे खेळ सारे
घालू लागले रुंजी मनात...!!

विटीदांडू लगोरीचा डाव न्यारा
आबादुबीचा राकट मारा
क्रिकेटचा सारा रंगच न्यारा
गल्लित भरे स्टेडियम सारा..!!

आट्या पाट्यांचा डाव सुरेख
खेळु कबड्डी तंगड़ी खेच..
रंग बिरंगी गोट्यांची ठेव
बुद्धिबळ घाली भलताच पेच..!!

कांदा फोडीच्या उंच उड्या
लपाछपित त्या मारल्या दड्या..
गिरकी घेई मधेच भावरा
कधी कुणाच्या काढल्या खोड्या..!!

नवा व्यापार झब्बू गुलाम चोर
बैठ्या खेळाचा भलताच जोर..
कधी आकाशी उंच पतंग
कधी तुटायचा कोणाचा दोर्..!!

दूरदर्शनचा काळ रमणीय फार
छाया गीत कधी चित्रहार..
रामायणाचा तो रमणीय भाग
ज्ञान दिप उजळी सुंदर विचार..!!

सांगू तरी किती मी खेळाचार
यादि मोठी नाही संपणार..
सरले बालपण बदलले आचार
मागे उरला आठवाणीचा आधार..!!
**************सुनिल पवार...