।। व्हॅलेंटाईनच्या नावानं चांगभलं. ।।
=======================
प्रेमाच विदेशी भुत आल
तरुणाईच्या मानगुटीवर बसलं..
गल्ली बोळात प्रेम रुजलं..
बोला..
व्हॅलेंटाईनच्या नावानं चांगभलं...!!
व्यापाऱ्यांच आयात फावलं..
सावज आयत जाळ्यात गावलं..
डे च्या नावे सार खपवलं
तरुणाईच खेळण झाल..
बोला..
व्हॅलेंटाईनच्या नावानं चांगभलं...!!
बेधुंद तरुणाईचं भान सुटलं
सोज्वळ प्रेम बीभत्स झाल..
चेकाळणे माघ ओघानं आल
सभ्यतेन आपसूक डोळ मिटलं
बोला..
व्हॅलेंटाईनच्या नावानं चांगभलं..!!
शुद्ध प्रेमास ना वावड़ं कसलं
दिवसापुरतं ते प्रेम कसलं..
प्रेम चिरंतर असते सुंदर
प्रेम हृदयी वसते निरंतर
तुमच चालू द्या
आम्ही आपल सहज म्हटलं..
बोला..
व्हॅलेंटाईनच्या नावानं चांगभलं...!!
********सुनिल पवार.......
No comments:
Post a Comment